| Poemas |
| o labirinto do bambú |
desconfía
do labirinto de bambú |
| hoxe cana lanzal | mañá barrote |
|
| da súa multitude de espeques |
(Catálogo de Velenos, 1999)
Hai tempo foron usadas
para beber o sangue do pai,
a asa torta certifica a ruíndade,
garfo no toco, man incompleta.
Esquecida a cerimonia atroz,
nestes días a penas queiman gorxas.
("Olería de Buño", Catálogo 1998)
| Poemas |
|
| haikus do Courel para Novoneyra |
|
1
país, esquivo amante,
inalcanzable
áspera cerna.
2
¿Non ousas, faia,
ceibar da simetría
follas captivas?
3
Dovesa de Rogueira:
miden os grilos
estes meus versos.
4
levanta as saias,
vento nordés,
ispe os adxectivos.
5
perpetra a araña
labirinto de chuspe:
trampa ou poema.
| Poemas |
| remontando a maré (4 de decembro) |
|
que non sei se respiras ou calmeas
derrubado, país, sobre o coído
país, amante, longa foi a noite
quen sabe cando o limpo será limpo
¿foi amor ou tumulto? das beiradas
tiramos a podremia coas mans núas
¿tumulto ou resistencia? beber sudre
remontar a maré, tomar as rúas
da Vaca de Fisterra amargo ouleo
nas sirenas resoa de faro a faro
clamando polos mortos, capitáns
de gamelas perdidas nos naufraxios
dornas, bucetas, lanchas de relinga
crebadas nas arestas dos baixíos
valédenos na cerna da negrume
en tempos de extravío
o corpo nu, envolto só na rede,
baixo o lameiro negro limpa a man
resistimos, amor, cando pretenden
tomar o nome do arao en van
Fisterra, decembro 2002 |
|
|
|
|
|
|
No hay comentarios:
Publicar un comentario